Gəncənin bir çox hissəsində, xüsusilə də mərkəzi küçə və prospektlərdə zibil qablarının çatışmazlığı sakinlərin narahatlığına səbəb olub.
Gencexeber.az-a daxil olan şikayətlərdə bildirilir ki, Gəncənin mərkəzi küçə və prospektlərində, eləcə də bir çox ərazilərində zibil qablarının sayı kifayət qədər deyil. Bu səbəbdən şəhər sakinləri tullantılarını atmaq üçün uzun məsafə qət etməli olurlar.
Sakinlərin sözlərinə görə, bəzi yerlərdə ümumiyyətlə bir dənə də olsun zibil qutusu yoxdur: “Bir dənə olsun zibil qutusu yoxdur atmağa. Dayanacağa getməli oldum, nə qədər axtardım”.
Zibil qutularının çatışmazlığı şəhərin təmizliyinə də mənfi təsir göstərir və ekoloji baxımdan risklər yaradır. Sakinlər problemin tezliklə aradan qaldırılmasını tələb edirlər.
