Gəncədə 27 Sentyabr – Anım Gününə həsr olunmuş yeniyetmələr arasında "Vətən" Ağır Atletika İdman Klubunun açıq birinciliyi keçirilib.
Gencexeber.az məlumat verir ki, yarışda 9 komandanın tərkibində ümumilikdə 70 idmançı mübarizə aparıb. Birincilikdə Gəncə UGİM-1, Gəncə UGİM-2, Goranboy, Gədəbəy, Yevlax, Cəlilabad, "Vətən" İK, "Zəfər" İK və "Ümid" İK komandaları iştirak ediblər.
Yarış Azərbaycan Ağır Atletika Federasiyası, Gənclər və İdman Nazirliyi və "Vətən" Ağır Atletika İdman Klubunun birgə dəstəyi ilə təşkil olunub.
Təşkilatçıların bildirdiyinə görə, bu birincilik son 11 ildə Gəncədə keçirilən ən irimiqyaslı ağır atletika yarışlarından biri olub.
Yarışa Azərbaycan Ağır Atletika Federasiyasının respublika və beynəlxalq dərəcəli hakimləri nəzarət ediblər.
