Gəncə şəhərində avtobus dayanacağının pavilyonunun konstruksiyası natamam vəziyyətdədir.
Gencexeber.az-a daxil olan şikayətə görə, sözügedən hal Yeni Gəncə qəsəbəsində müşahidə edilir. 3, 9 və 13 saylı avtobus marşrutlarının hərəkət etdiyi, qəsəbənin əsas küçələrindən biri olan 28 May küçəsində yerləşən dayanacaqda pavilyon mövcud olsa da, tikilinin dam örtüyü yoxdur.
Nəticədə sərnişinlər yağışlı havalarda islanırlar.
Sakinlər aidiyyəti qurumdan sözügedən halın aradan qaldırılmasını tələb edirlər.
