Gəncə şəhər Fizika, riyaziyyat və informatika təmayüllü liseyin (FRİTL) iki məzunu imtahansız universitetə qəbul olub.
Gencexeber.az-ın məlumatına görə, onlar Respublika Fənn Olimpiadalarındakı nailiyyətlərinə görə ali məktəblərə müsabiqədənkənar qəbul hüququ qazanıblar.
2023-cü ildə riyaziyyat fənni üzrə gümüş, 2025-ci ildə isə bürünc medal əldə edən Nəsrəddin Rüstəmov Bakı Ali Neft Məktəbinin Kompüter mühəndisliyi ixtisasına qəbul olunub.
2024 və 2025-ci illərdə informatika fənni üzrə bürünc medal qazanan Ayxan Ələkbərov isə ADA Universitetinin Kompüter elmləri fakültəsinə imtahansız qəbul edilib.
