2025-ci ilin yanvar-mart ayları üzrə Gəncə şəhərində Əsas kapitala yönəldilmiş investisiyalar və tikinti müəssisələrinin işi haqqında statistik məlumatlar bəlli olub.
Gencexeber.az-a Gəncə Şəhər Statistika İdarəsindən verilən məlumata əsasən, Gəncə şəhərində 2025-ci ilin yanvar-mart aylarında əsas kapitala 42,0 milyon manat və ya 2024-cü ilin müvafiq dövrü ilə müqayisədə 4,4 dəfə çox vəsait yönəldilib.
Əsas kapitala yönəldilmiş vəsaitlərin 68,3 faizi dövlət, 31,7 faizi isə qeyri-dövlət mülkiyyətinə məxsus olub. Əsas kapitala yönəldilən vəsaitlərin 36,1 milyon manatı və ya 86,1 faizi bilavasitə tikinti-quraşdırma işlərinin yerinə yetirilməsinə sərf olunub və 5,0 dəfə artıb.
Həmçinin, Gəncə şəhərində 2025-ci ilin yanvar-mart aylarında fəaliyyət göstərən tikinti müəssisələri və fərdi sahibkarlar tərəfindən yerinə yetirilən tikinti işlərinin dəyəri 7,8 milyon manat təşkil edib.
Ümumi tikinti işlərinin 4,3 milyon manatını, yaxud 55,3 faizini hüquqi şəxslər tərəfindən yerinə yetirilmiş işlər, 3,5 milyon manatını və ya 44,7 faizini isə fərdi sahibkarlıq fəaliyyəti ilə məşğul olan fiziki şəxslərin yerinə yetirdiyi işlər təşkil edib.
