Gəncədə Əlillərin Hüquqlarının Beynəlxalq Müdafiəsi Günü münasibətilə mühüm görüş təşkil olunub.
Gencexeber.az-ın məlumatına görə, tədbir Fərəh Sosial İctimai Birliyinin təşəbbüsü ilə Məhsəti Gəncəvi Mərkəzində fəaliyyət göstərən 11 saylı kitabxana filialında baş tutub. Görüşdə əlillər, eləcə də onların valideynləri ilə yanaşı Azərbaycan Respublikasının Milli Məclisinin deputatı, YAP İdarə Heyətinin üzvü Pərvin Kərimzadə, Ombudsmanın Qərb Regional Mərkəzinin rəhbəri Səbuhi Abbasov, eləcə də Fərəh Sosial İctimai Birliyinin sədri İlqar Hümbətov iştirak ediblər.
Əsas müzakirə mövzusu əlilliyi olan şəxslərin hüquqlarının təmin olunması, onların cəmiyyətə inteqrasiyası və gündəlik həyat şəraitində üzləşdikləri çətinliklər olub. İştirak edən valideynlər söz alaraq sosial təminat, hüquqi dəstək və praktiki çətinliklər barədə fikir və təkliflərini səsləndiriblər.
