Gəncə şəhərinin mərkəzi hissəsində yerləşən Əkbər Babayev küçəsində uzun müddətdir zibil problemi yaşanır.
Gencexeber.az-a daxil olan şikayətə görə, ərazidə yaşayan bəzi sakinlər məişət tullantılarını yol kənarına və çinar ağacının ətrafına atırlar. Nəticədə küçədə antisanitar vəziyyət yaranır. Bildirilir ki, bu hal dəfələrlə təkrarlanır.
Redaksiyamıza müraciət edən vətəndaşların sözlərinə görə, ərazidən 200-250 metr məsafədə, Gəncə Tibb Kollecinin yaxınlığında zibil konteynerləri mövcuddur.
Sakinlər aidiyyəti qurumlardan problemin aradan qaldırılması üçün tədbirlər görülməsini, həmçinin bəzi vətəndaşların zibil konteynerlərinədək məsafəni qət etmək istəmədiyini nəzərə alaraq ərazidə əlavə zibil konteynerlərinin yerləşdirilməsini xahiş edirlər.
