Gəncə sakinləri Heydər Əliyev parkında istirahət etmək imkanlarının məhdudlaşdırıldığını bildirirlər.
Gencexeber.az-a müraciət edən vətəndaşların sözlərinə görə, əvvəllər insanlar parkın geniş və yaşıl ərazisində ailəvi şəkildə piknik edir, əyləşib istirahət edə bilirdilər. Lakin son vaxtlar parkda yaşıllıqda oturmaq, istirahət etmək məhdudlaşdırılıb.
“Sadəcə bir ağacın kölgəsində oturmaq, təmiz havada bir az dincəlmək istəyirik. Təbiətin qoynunda vaxt keçirmək istəyirik, amma buna imkan verilmir”, - deyə şikayət edən sakinlər bildiriblər.
Sakinlər aidiyyəti qurumlardan bu məhdudiyyətlərin aradan qaldırılmasını və parkın yenidən ictimai istirahət məkanına çevrilməsini istəyirlər.
