Əslən Kəlbəcər rayonundan olan jurnalist Humay İsgəndərova təsirli paylaşım edib.
Gencexeber.az məlumat verir ki, Gəncə şəhərində dünyaya gələn və burada boya-başa çatmış gənc media nümayəndəsi ilk dəfə doğma torpağına səfər etdiyini bildirib. Jurnalistin paylaşımında duyğuları açıq şəkildə hiss olunur. Humay İsgəndərova illərlə xəyal etdiyi torpaqlara ilk dəfə ayaq basarkən həm sevinib, həm də kövrəlib. O, dağlarla əhatələnmiş doğma kəndlərinə çatanda uzun müddət səssiz qalıb, ətrafı böyük heyranlıqla izləyib. Uşaqlıqdan bəri yalnız ailə böyüklərinin danışdıqlarından tanıdığı yerləri bu dəfə canlı görmək onun üçün həm qürurverici, həm də duyğulandırıcı olub.
Qeyd edək ki, 1990-cı illərdə Kəlbəcər rayonunun işğalından sonra bir çox sakinlər Azərbaycanın qərb bölgələrində, xüsusilə Gəncə şəhərində məskunlaşıblar. Humay İsgəndərova da həmin ailələrdən birinin övladı kimi Gəncədə böyüyüb, təhsil alıb və media sahəsində fəaliyyət göstərməyə başlayıb.
Prezident, Ali Baş Komandan İlham Əliyevin rəhbərliyi ilə Müzəffər Ordunun əldə etdiyi zəfər nəticəsində Kəlbəcər rayonu azad olunub. Hazırda bölgədə genişmiqyaslı bərpa və quruculuq işləri aparılır, “Böyük Qayıdış” proqramı çərçivəsində köçürülmə prosesi həyata keçirilir.
