Gəncədə yol-nəqliyyat hadisəsi baş verib.
Gencexeber.az-ın məlumatına görə, hadisə Sevinc qəsəbəsində, "ASAN xidmət" mərkəzi yaxınlığında qeydə alınıb. "Hyundai Elantra" minik avtomobilinin sürücüsü - 2006-cı il təvəllüdlü Sadiq Ələkbərov yüksək sürətlə hərəkət edərkən sərt döngədə idarəetməni itirib. Nəticədə nəqliyyat vasitəsi aşıb və öz oxu ətrafında iki dəfə dövr edib.
Qəza zamanı avtomobildə yalnız sürücü olub. Kişi xəsarət alsa da, xoşbəxtlikdən həyati təhlükəsi yoxdur.
Qeyd edək ki, hadisə zamanı sözügedən maşın digər avtomobillərlə toqquşmayıb. "Hyundai Elantra" evakuator xidməti vasitəsi ilə ərazidən götürülüb.
Faktla bağlı araşdırma aparılır.
