Xəbər verdiyimiz kimi, Azərbaycan Prezidenti İlham Əliyev yeni Axar-Baxar Milli Parkının yaradılması barədə sərəncam imzalayıb.
Gencexeber.az məlumat verir ki, Ekologiya və Təbii Sərvətlər Nazirliyi Axar-Baxar Milli Parkında çəkilmiş təbiət mənzərələrini ictimaiyyətlə bölüşüb. Paylaşılan görüntülərdə ölkəmizin zəngin biomüxtəlifliyini əks etdirən quşlar, ceyranlar, qartallar və canavarlar yer alıb.
Fotoşəkillər milli parkın unikal ekosistemini və təbii sərvətlərini nümayiş etdirməklə yanaşı, həm də ətraf mühitin mühafizəsi sahəsində görülən işlərin nəticələrini göstərir.
Qeyd edək ki, Axar-Baxar Milli Parkı Samux rayonunun dövlət ehtiyat fondu torpaqlarından 11113,46 hektar, Yevlax rayonunun dövlət ehtiyat fondu torpaqlarından 7000,10 hektar və Qax rayonunun dövlət ehtiyat fondu torpaqlarından 5788,43 hektar ayrılmaqla, 23901,99 hektar sahədə yaradılıb.
