Yeni Gəncə yaşayış massivində yerləşən 9 mərtəbəli binanın lifti işləmir.
Gencexeber.az-a 21 nömrəli binanın sakinlərindən daxil olan şikayətdə bildirilib ki, birinci və ikinci bloklarının liftləri təxminən 15 gündür işləmir.
"36 ailə indi liftdən istifadə edə bilmir. Gəncə şəhər Mənzil Kommunal Təsərrüfatı İstehsalat Birliyinin nəzdində fəaliyyət göstərən Lift İdarəsindən bildirilib ki, 2019-cu ildən yığılan borc ödənilmədiyi üçün qurğuların fəaliyyəti dayandırılıb.
Liftin pulunu illər ərzində özümüz ödəmişik. Qırılıb, cibimizdən pul verib təmir etdirmişik. Hətta elə olub çağırmışıq idarənin əməkdaşlarına 15-20 manat pul da vermişik. İdarə isə utanmadan 2019-cu ildə ölən adamın adına da lift pulu yazıb" - sakin bildirib.
