Bakıda namaz qılan şəxslərin bahalı mobil telefonlarını oğurlayan cinayət məsuliyyətinə cəlb olunub.
Məlumata görə, hadisələr Səbail rayonunda qeydə alınıb.
Bunlardan biri Bibiheybət məscidində, digəri "Dəniz Mall" ticarət mərkəzində yerləşən namaz otağında baş verib.
İlk epizodda 1995-ci il təvəllüdlü təqsirləndirilən şəxs "Dəniz Mall" ticarət mərkəzində dəstəmaz alan şəxsin "iPhone 15" marakalı telefonunu oğurlayaraq qarşı tərəfə 1500 manat ziyan vurub.
Digər epizodda isə Bibiheybət məscidinin dəstəmaz otağında zərərçəkmişin asılqandan asılı vəziyyətdə olan gödəkçəsinin cibindən dəyəri 3000 manat olan "İphone 17 Pro" markalı mobil telefonu oğurlanıb.
Məlum olub ki, Mingəçevir şəhərində qeydiyyatda olan şəxs dəfələrlə daha öncə oğurluq əməllərinə görə məhkum olunub. O, hər iki telefonu dəyərindən daha ucuza satıb. Təqsirləndirilən Səftər Haqverdiyev (ad-soyad şərtidir) budəfəki əməlinə görə 3 il müddətinə azadlıqdan məhrum edilib.
mənbə: xitab24
