Gəncənin Sədi Nəcəfov küçəsində asfalt örtüyü dağılıb.
Gencexeber.az məlumat verir ki, uzunluğu təxminən 200 metr olan küçədə onillər əvvəl salınmış asfalt örtüyü zamanla sıradan çıxıb. Yolun müxtəlif hissələrində yaranan çala və çuxurlar avtomobillərin hərəkətini çətinləşdirir.
Sakinlərin sözlərinə görə, yağış yağanda çuxurlar su ilə dolur, piyadaların hərəkəti çətinləşir. Habelə maşınlar bu yoldan keçərkən zədələnir.
Vətəndaşlar aidiyyəti qurumlardan küçədə təmir işlərinin aparılmasını xahiş edirlər.
