Fövqəladə Hallar Nazirliyinin Dövlət Yanğından Mühafizə Xidməti "SOCAR Petroleum" QSC-nin Gəncə şəhərində yerləşən 6 saylı Gəncə Neft Baza Sahəsində "Neft məhsulları saxlanılan çənlərdə yanğınların söndürülməsi" mövzusunda yanğın-taktiki təlim keçirib.
Gencexeber.az bildirir ki, təlim zamanı neft məhsulu saxlanılan çəndə baş vermiş şərti yanğın yerinə operativ çatan FHN Dövlət Yanğından Mühafizə Xidmətinin Gəncə Şəhər Dövlət Yanğından Mühafizə İdarəsinin hissə və bölmələri tərəfindən "yanğın" yerində çevik kəşfiyyatın aparılması və "yanğının söndürülməsi" əməliyyatı yerinə yetirilib.
Təlimə ümumilikdə 43 nəfərdən ibarət şəxsi heyət və 8 ədəd texnika cəlb edilib.
