Göygöl, Samux, Daşkəsən, Goranboy, Naftalan rayonları və Gəncə şəhəri üzrə təhsil sektorlarında ümumtəhsil müəssisələrinin direktorlarının iştirakı ilə “Fənn aylıqları”nın keçirilməsi barədə məlumatlandırıcı görüşlər keçirilib.
Gencexeber.az bildirir ki, görüşlərdə ümumi təhsil müəssisələrində Fənn aylıqlarının keçirilməsi ilə bağlı Gəncə-Daşkəsən Regional Təhsil İdarəsinin Tədbirlər Planı, təhsil müəssisələrində keçiriləcək “Fənn aylıqları”nın Əsasnaməsi geniş formada müzakirə edilib.
Qeyd edək ki, "Fənn aylıqları"nın keçirilməsində əsas məqsəd ümumi təhsil müəssisələrində tədrisin keyfiyyətinin yaxşılaşdırılması, fənlərin tədrisi vəziyyətinin yüksəldilməsi, şagirdlərin təlimə marağının artırılması, müəllimlərin gündəlik fəaliyyətlərinə yaradıcı yanaşmaların təmin olunması, fənlər üzrə bilik, bacarıq və vərdişlərin inkişafina daha geniş şəraitin yaradılması, müəllim və şagirdlərin tədqiqatçılıq qabiliyyətlərinin inkişaf etdirilməsi, fənn müəllimlərinin və şagirdlərin tədris prosesində və sinifdənxaric tədbirlərdə yaradıcı fəaliyyətinin səviyyəsinin öyrənilməsi və təbliği, qabaqcıl təcrübənin öyrənilməsi, təlim prosesinə müəllimlərin və məktəb rəhbərlərinin məsuliyyətinin artırılmasından ibarətdir.
