Azərbaycanda təşkil olunan III MDB Oyunlarına bu gün yekun vurulacaq.
Gencexeber.az məlumat verir ki, yarışda sonuncu medalçılar müəyyənləşəcək.
Saat 19:00-da Gəncə stadionunda turnirin bağlanış mərasimi baş tutacaq.
Yarışa 13 ölkədən 1 624 idmançı və 2 337 nümayəndə qatılıb.
Turnirdə Azərbaycanı 340, Pakistanı 4, Rusiyanı 262, Özbəkistanı 254, Belarusu 240, Qazaxıstanı 147, Tacikistanı 144, Qırğızıstanı 126, Türkmənistanı 48, Türkiyəni 38, Kubanı 11, Küveyti 6, Omanı isə 4 idmançı təmsil edir.
Qeyd edək ki, III MDB Oyunlarının bağlanış mərasimi çərçivəsində Azərbaycanın Xalq artisti Aygün Kazımova Gəncə şəhərində möhtəşəm konsert proqramı ilə çıxış edəcək.
