Bölgələrdə taksi qiymətləri artıb.
Ölkə.аz xəbər verir ki, Tovuz sakinlərinin sözlərinə görə, eyni yol üçün əvvəl 2 manat ödəyirdilərsə, indi məbləğ 5 manat olub.
Bu vəziyyətdən sürücülər də razı görünmür. Belə ki, sürücülər bildirirlər ki, belə işləmək onlara da sərf eləmir:
"Bəzən qazandığımız benzin pulunu belə ödəmir".
Mövzu ilə bağlı danışan nəqliyyat məsələləri üzrə ekspert Aslan Əsədovun sözlərinə görə, bu artım gözlənilən idi:
"Bölgələr turistlik ərazi olduğu üçün burda taksi qiymətlərinin artması da gözlənilən idi. Taksi fəaliyyəti üçün müxtəlif tələblər var. Bu tələblərdə əsas olan keyfiyyətin artırılmasıdır. Bu da avtomatik qiymətlərə təsir edir. Amma əsas faktor hazırda tətil günlərinə, tətil ayına görədir".
Qeyd edək ki, taksi qiymətlərinin daha da artırılması istisna edilmir.
