“Bu gündən etibarən Azərbaycan Respublikası ilə Çin Xalq Respublikası (ÇXR) arasında vizasız rejim tətbiq olunur. Ümumvətəndaş pasportuna malik Azərbaycan vətəndaşları Çinə, Çin vətəndaşları isə ölkəmizə vizasız səfər edə biləcəklər”.
Gencexeber.az bildirir ki, bunu sosial şəbəkə hesabında Azərbaycan Respublikası Dövlət Miqrasiya Xidmətinin rəisi Vüsal Hüseynov qeyd edib.
Qurum rəsmisi əlavə edib ki, qaydalara əsasən, hər iki ölkənin vətəndaşları 180 günlük dövr ərzində ümumilikdə 90 gün olmaqla vizasız səfər hüququna malikdirlər:
“Bu tələbin sadə izahı 90 gün toplam ölkədə olduqdan sonra təkrar giriş etmək üçün növbəti 90 günün gözlənilməsidir. Ölkəyə hər girişdə maksimum olma müddəti 30 gündür. 30 gündən artıq müddətə əmək fəaliyyəti, təhsil və digər məqsədlərlə ölkədə qalmaq istəyən şəxslər müvafiq viza əldə etməlidirlər”.
