Azərbaycan Dövlət Aqrar Universitetində (ADAU) 2024/2025-ci tədris ilinin yaz semestrinin imtahan sessiyası start götürüb.
Gencexeber.az bildirir ki, imtahanlarda tələbələrin biliyinin qiymətləndirilməsi test üsulu ilə kompüterdə, yazılı və hesabat formalarında təşkil olunur.
İmtahanların gedişinə operativ nəzarət, tələbələrin biliyinin qiymətləndirilməsində şəffaflığı təmin etmək məqsədilə yaradılan İmtahan Qərargahı və Apellyasiya Komissiyası sessiya müddətində imtahanların gedişi ilə əlaqədar ərizə, təklif, Elm və Təhsil Nazirliyinin "Qaynar xətt"i vasitəsilə daxil olmuş şikayətlərin araşdırılmasını təmin edəcək.
Qeyd edək ki, imtahan sessiyası 5 iyul tarixində yekunlaşacaq.
