Gəncə karateçiləri beynəlxalq turnirdə yüksək nəticələr qazanıblar.
Gencexeber.az-a Gəncə-Daşkəsən Regional Gənclər və İdman İdarəsindən verilən məlumata görə, Azərbaycan Karate Federasiyasının təşkilatçılığı ilə Bakı şəhərində "Grand Prix" beynəlxalq karate turniri keçirilib. Turnirdə 6 ölkədən 700 idmançı iştirak edib.
Gəncədən olan karateçilər yarışda uğurla çıxış edərək ümumilikdə 7 qızıl, 5 gümüş və 9 bürünc medal qazanıb.
Qeyd edək ki, həmyerlilərimiz turnirə baş məşqçi Əziz Əzizov, eləcə də məşqçilər – Araz Seyfəddinov, Anar Məmmədov və Ziya Namazovun rəhbərliyi altında qatılıblar.
