Gəncəli idmançı beynəlxalq arenada uğura imza atıb.
Gencexeber.az-ın məlumatına görə, Türkiyənin Antalya şəhərində təxminən 600 idmançının iştirakı ilə yeniyetmələr arasında 28-ci Beynəlxalq U-17 Zəfər Kuboku keçirilib. 51 kq çəki dərəcəsində mübarizəyə qatılan Gəncə təmsilçisi İbrahim Həsənov parlaq çıxışı ilə diqqət çəkib. O, keçirdiyi bütün görüşləri qələbə ilə başa vuraraq qızıl medal qazanıb və ölkəmizin bayrağını dalğalandırıb.
Qeyd edək ki, İbrahim Həsənov Gəncə şəhəri 1 nömrəli Uşaq-Gənclər İdman-Şahmat məktəbinin sərbəst güləş bölməsində məşqçi-müəllim Rauf Xəlilovun rəhbərliyi altında idmanla məşğul olur. Yeniyetmə Gəncə şəhəri 23 nömrəli tam orta məktəbin 10-cu sinif şagirdidir.
