Gəncə şəhərindən olan gənc istedad böyük uğura imza atıb.
Gencexeber.az-ın məlumatına görə, Gəncə şəhər Əhməd Cavad adına 2 nömrəli tam orta məktəbin 4 "E" sinif şagirdi, "Ocaq Sport" klubunun yetirməsi Nazlı Elnur qızı Məmmədzadə Azərbaycan Gimnastika Federasiyasının təşkil etdiyi bədii gimnastika üzrə 31-ci Ölkə birinciliyində uğurla çıxış edib.
2016-cı il təvəllüdlü gimnastlar arasında keçirilən yarışda Nazlı Məmmədzadə çoxnövçülük proqramı üzrə 34 rəqibini geridə qoyaraq 1-ci yerə layiq görülüb. Azyaşlı idmançımız medal və diplomla təltif edilib.
Qeyd edək ki, o, bundan əvvəl beynəlxalq arenada uğurlu nəticə göstərib. Belə ki, Nazlı 26 fevral – 1 mart tarixlərində Türkiyənin İstanbul şəhərində, Hidayət Türkoğlu Olimpiya Kompleksində keçirilən "2nd International Ritmica Cup" turnirində fərqlənərək yüksək nəticələr əldə edib.
Gənc idmançının qazandığı bu nailiyyət həm şəhər, həm də ölkə idmanı üçün mühüm uğur kimi qiymətləndirilir.
