Sərbəst və yunan-Roma güləşi üzrə Azərbaycan çempionatı davam edir.
Gencexeber.az məlumat verir ki, Qazax Olimpiya İdman Kompleksində keçirilən ölkə birinciliyinin ikinci günündə sərbəst güləş üzrə 38, 41, 44, 48, 52 və 57 kiloqram çəki dərəcələrində medalçılar müəyyənləşib.
Mikayıl Müşfiq adına 14 nömrəli tam orta məktəbin IX sinif şagirdi, Gəncə şəhər 1 nömrəli Uşaq-Gənclər İdman-Şahmat məktəbinin məşqçisi Rauf Xəlilovun yetirməsi Məhəmməd Kərimov 44 kiloqram çəki dərəcəsində Azərbaycan çempionu adına layiq görülüb.
Ondan geri qalmayan digər Gəncə güləşçisi Elman İsmayılov həmkarının uğurunu təkrarlayıb. Yeniyetmə çıxış etdiyi 41 kiloqram çəki dərəcəsində bütün rəqiblərinə qalib gələrək Azərbaycan çempionu olub.
