Azərbaycanın peşəkar futbol klublarının çıxış etdiyi yüksək liqada Gəncəni təmsil edən “Kəpəz” növbəti ildə də sözügedən çempionatda qalmaq üçün mübarizəsini davam etdirir.
Gencexeber.az məlumat verir ki, Misli Premyer Liqasının XXI turunun açılış matçında “Kəpəz” futbol klubu “Sabah”la qarşılaşıb. Tovuz şəhər stadionunda keçirilən matç gəncəlilərin 3:2 hesablı qələbəsi ilə yekunlaşıb.
Belə ki, Gəncə təmsilçisinin heyətində Mahamadu Ba (11), Əli Səmədov (54) və Rauf Hüseynli (64) fərqlənib. Bakı klubunun qollarını isə Pavol Safranko (6-p.) və Cesse Sekidika (45+3) vurub.
Qonaqların oyunçusu İqor Noqeyro 63-cü dəqiqədə ikinci sarı vərəqəni alaraq meydandan qovulub.
Qələbəsindən sonra “Kəpəz” 17 xalla 9-cu pilləyə yüksəlib.
