Gəncə şəhər İcra Hakimiyyəti Azərbaycan Respublikasının ilk Baş prokuroru İsmət Qayıbovun doğulduğu və qırmızı kərpicdən tikilmiş binanın zədələnməsi il bağlı açıqlama verib.
Xəbər verdiyimiz kimi, tikilinin qarşında olan çinarların budaqları güclü külək zamanı İsmət Qayıbov küçəsi, 9 ünvanında yerləşən tarixi binanın fasadını və damını zədələyib.
Qurumdan redaksiyamıza bildirib ki, həmin bina xüsusi mülkiyyətdədir. Buna görə də təmir-bərpa işləri qanunla mülkiyyətçinin vəsaiti hesabına aparılmalıdır.
“Hörmətli “Gencexeber.az”, məlumat üçün bildiririk ki, “Tarix və mədəniyyət abidələrinin qorunması haqqında” Azərbaycan Respublikası Qanununun VI fəslinin (Mühafİzə məqsədİlə abİdələrdə aparılan inşaat-möhkəmləndİrmə və abadlıq işlərİ) 25-ci maddəsinə (Mühafizə məqsədilə abidələrdə inşaat-möhkəmləndirmə və abadlıq işlərinin aparılması) uyğun olaraq, xüsusi mülkiyyətdə olan abidələrlə əlaqədar inşaat-möhkəmləndirmə və abadlıq işləri müvafiq icra hakimiyyəti orqanının müəyyən etdiyi orqanın (qurumun) razılığı ilə mülkiyyətçinin vəsaiti hesabına aparılır.
Gəncə şəhəri, İsmət Qayıbov küçəsi, 9 ünvanında yerləşən sözügedən bina “Yerli əhəmiyyətli tarixi-memarlıq abidəsi” kimi Azərbaycan Respublikası Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin Gəncə Regional İdarəsi tərəfindən qeydiyyata alınıb. Bina xüsusi mülkiyyətdədir”, - Gəncə şəhər İH-dən açıqlanıb.
Bundan başqa qeyd olunub ki, Azərbaycan Respublikası Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin Gəncə Regional İdarəsi tərəfindən Gəncə şəhərində yerləşən tarixi abidələrin ətrafında bitən və abidələrə zərər vuran ağaclarla bağlı siyahı tərtib edilərək, budanması və ya götürülməsi məqsədi ilə müvafiq rəyin verilməsi üçün 10 saylı Gəncə Ərazi Ekologiya və Təbii Sərvətlər İdarəsinə müraciət ünvanlayıb. İdarə tərəfindən qeyd olunan ağaclara yerində baxış keçirildikdən və müvafiq rəy verildikdən sonra onların budanması və ya götürülməsi həyata keçirilə bilər.
Bu açıqlamaya əsasən, yaranmış vəziyyətə görə Gəncə İH məsuliyyət daşımır. Amma…
Sonda isə, Gencexeber.az olaraq, bizə qaranlıq qalan bəzi ünvansız sualları, ritorik də olsa, səsləndirmək istərdik (kim bilir, bəlkə cavab da ala bildik):
