Oktyabrın 30-da Gəncədə qadın sahibkarlar və öz biznesini qurmaq istəyən qadınlar üçün She's Next Day görüşü təşkil olunacaq. Tədbirdə iştirak ödənişsizdir.
Gencexeber.az məlumat verir ki, görüş Visa-nın qadın sahibkarlığını dəstəkləyən qlobal She's Next Empowered by Visa təşəbbüsünün Birbank Biznes-in dəstəyi ilə Azərbaycanda həyata keçirilən dördüncü dalğası — She's Next in Digital proqramı çərçivəsində baş tutacaq.
İştirakçılar proqramın təqdim etdiyi imkanlarla tanış ola, qeydiyyat prosesi barədə məlumat ala, biznesin inkişafı ilə bağlı praktiki tövsiyələr eşidə və digər qadın sahibkarlarla təcrübə mübadiləsi apara biləcəklər.
She's Next in Digital qadınların rəqəmsal biznes bacarıqlarının inkişafına yönəlib. Proqram iştirakçılarına ödənişsiz onlayn təhsil və ekspert dəstəyi imkanları təqdim edir. Proqramın müsabiqə mərhələsi üzrə ümumi qrant fondu 60 000 manat təşkil edir.
Gəncədəki əyani görüşə qeydiyyat üçün: https://forms.gle/ng4Dfp1tEktHwWHU8
She's Next in Digital proqramına ayrıca müraciət isə 30 noyabr 2026-cı ilədək shesnext.az saytında davam edir.
#ShesNextAzerbaijan #ShesNext #Visa #BirbankBiznes
