Qazax şəhərində şəhidlərin əziz xatirəsinə həsr olunmuş AZEProFC liqasının MMA və grapplinq üzrə turniri keçirilib.
Gencexeber.az məlumat verir ki, turnirdə 100-ə yaxın idmançı müxtəlif yaş və çəki dərəcələrində mübarizə aparıb. Yarışda Gəncə şəhərini və Göygöl rayonunu təmsil edən idmançılar da iştirak edərək uğurlu nəticələr əldə ediblər.
Gəncəni təmsil edən məşqçi-müəllimlər Əjdər Alıyev, Xəyal Əmrahov, Tural Məmmədov, Seymur Layıcov və Baxşəli Əliyevin yetirmələri yarışda müxtəlif medal və mükafatlara layiq görülüblər.
İdmançılarımızdan Ramal Tanrıverdiyev (50 kq) və Fərid Məmmədov (55 kq) birinci yeri tutublar. Həsən Həsənov (62 kq), Hüseyn Verdiyev (42 kq), İslam Hüseynov (30 kq), Zabit Tağıyev (30 kq) və Namiq Abdullayev (55 kq) isə ikinci yeri qazanıblar.
Kənan Sofiyev MMA üzrə 77 kq, Əli Yolçuyev və Həsən Verdiyev isə grapplinq üzrə 53 kq çəki dərəcəsində birinci yeri tutublar. Murad Hüseynov ikinci, Əli Məmmədov isə üçüncü yerə layiq görülüb.
Qeyd edək ki, turnir Azərbaycan Qarışıq Döyüş Sənətləri, Pankration və Qrapplinq Federasiyasının prezidenti Azad Əsgərovun dəstəyi, AZEProFC liqasının prezidenti Səbuhi Məmmədovun və Qazax-Tovuz Regional Gənclər və İdman İdarəsinin birgə təşkilatçılığı ilə keçirilib.
