Gəncədə pulsuz təlim keçiriləcək
Gəncədə "iqlim dəyişikliyi kontekstində qadınların hüquq və imkanlarının gücləndirilməsi" layihəsi çərçivəsində təlimə start verilir.
Gencexeber.az-ın məlumatına əsasən, təlim 23 noyabr saat 11:00-da Gəncə-Daşkəsən Regional Mədəniyyət İdarəsinin akt zalında keçiriləcək.
Təlim teatrşünas və tənqidçi Anar Ərtoğrul Bürcəliyev tərəfindən aparılacaq.
Təlim iştirakçılarını aşağıdakı mövzular gözləyir:
Sosial və reform teatrın mahiyyəti;
İnteraktiv səhnə texnikaları;
Tənqidi düşüncənin inkişafı;
Yaradıcılıq və praktiki qrup məşqləri.
Təlim ödənişsizdir. Məşğələləri uğurla bitirənlər sertifikatla təltif olunacaqlar.
İştirak etmək istəyənlər 22 noyabr saat 15:00-a qədər qeydiyyatdan keçməlidir. Yerlər məhdud olduğundan təlimə yalnız müraciəti təsdiqlənən şəxslər qatılacaq. Qeydiyyat üçün linkə daxil ola bilərsiniz.
