Dünya Parataekvondo Federasiyası tərəfindən açıqlanan yeni reytinq cədvəlinə əsasən İmaməddin Xəlilov liderliyini qoruyur.
Gencexeber.az bildirir ki, Gəncənin yetirməsi, paralimpiya çempionu İ.Xəlilov 662,85 xalla 70 kq çəki dərəcəsində liderliyini davam etdirir.
Qeyd edək ki, İmaməddin Xəlilov parataekvando üzrə dünya, Avropa və beynəlxalq turnirlərin dəfələrlə qalibi olub.
O, həmçinin Paris-2024 Yay Paralimpiya Oyunlarında qızıl medal qazanaraq Azərbaycanın idman tarixinə adını yazdırıb.
