Bu gün sosial şəbəkələrdə və mediada Ehtiram Quliyevin "Turan Tovuz"un rəhbərliyindən istefa verəcəyinə dair xəbərlər yayılıb.
Bununla bağlı klub rəhbəri açıqlama verib.
O bildirib ki, hazırda klub daxilində mətbuatda qeyd edildiyi kimi narahatlıq yoxdur.
"Turan" klubu vahid sistemdən idarə olunur. Əsas məqsədimiz Azərbaycan futbolunun, xüsusilə "Turan" klubunun inkişafıdır. Bunun üçün bütün çalışmalarımız davam edir. Hazırda bütün gücümüzü "Turan Tovuz" - "Fənərbaxça" oyununa yönəltmişik. Təbii ki, bizim də klub olaraq bəzi narahatlığımız var.
Oktyabr ayında klubun idarə heyətinin toplanması nəzərdə tutulub. Orada müzakirə ediləcək məsələlərlə bağlı AFFA-nın da mövqeyi öyrəniləcək. Toplantıda klubun və idarə heyəti sədrinin gələcək taleyinə aydınlıq gələcək. Bundan sonra veriləcək qərar ictimaiyyətə elan ediləcək", - Ehtiram Quliyev vurğulayıb.
Mənbə: qafqazinfo.az
