Goranboy rayonunda meşəlik ərazidə yanğın qeydə alınıb.
Gencexeber.az-ın məlumatına görə, yanğın rayonun Goranlı kəndinə yaxın meşəlik sahədə qəfil başlayıb.
Hadisə barədə məlumat daxil olduqdan dərhal sonra əraziyə Fövqəladə Hallar Nazirliyinin Dövlət Yanğından Mühafizə Xidmətinin Goranboy Rayon Dövlət Yanğından Mühafizə Hissəsinin yanğınsöndürən texnikası və şəxsi heyəti cəlb edilib.
Yanğın zamanı meşəlik ərazidə kol-kos sahəsi və bir neçə ağac yanıb. Yanğınsöndürənlərin müdaxiləsi nəticəsində alov qısa müddətdə nəzarətə götürülərək söndürülüb və alovun geniş əraziyə yayılmasının qarşısı alınıb.
Hadisə yerinə aidiyyəti qurumların əməkdaşları da cəlb olunub. Faktla bağlı araşdırma aparılır.
