Ağsaqqallar yas mərasimlərinin sadələşdirilməsi, ehsan süfrələrində yeməyin yığışdırılmasını təklif etdilər, sakinlər də bu təşəbbüsə xeyirxah addımla cavab verdilər.
Xezerxeber.az xəbər verir ki, Şəmkirin Dəllər Cəyir kəndində yas sahibi ehsan vermək əvəzinə nəcib və xeyirxah addım atmaq qərarına gəlib. Dünyadan köçən Məqsəd Həsənovun ailə üzvləri yaşadıqları Süleyman Rüstəm küçəsində baxımsız vəziyyətdə və uzunluğu 500 metr olan yolu abadlaşdırmaq qərarına gəliblər.
Mərhumun yaxınlarının bu davranışını kənd sakinləri minnətdarlıqla qarşılayırlar. Ağsaqqallar isə bu addımın növbəti xeyirxah əməllər üçün başlanğıc olacağını bildirirlər.
