Göygöldə orta məktəbdə kütləvi zəhərlənmə faktı qeydə alınıb.
Gencexeber.az-ın məlumatına görə, hadisə C.Verdiyev adına Aşıqlı kənd tam orta məktəbində baş verib. Ötən gün dərs zamanı məktəbin 10-a yaxın aşağı sinif şagirdi özlərini pis hiss edib.
Şagirdlər dərhal xəstəxanaya yerləşdirilib, onlara yardım edilib. İlkin iddialara görə, onlar məktəbdə yedikləri qidadan zəhərləniblər.
Təhsil ocağından redaksiyamıza verilən məlumata görə, hazırda məktəblilər həkim nəzarətindədirlər, onların müayinəsi aparılır: "Hadisənin səbəblərinin müəyyənləşdirilməsi istiqamətində müvafiq qurumlarla birgə araşdırma aparılır".
Hadisə ilə bağlı aidiyyəti qurumlar tərəfindən araşdırma aparılır.
