Gəncədə bir sıra küçələrdə sürücülər üçün maneə yaranıb. Bu haqda Gencexeber.az-a 9 dekabr tarixində məlumat daxil olub.
Sözügedən hal şəhərin Nəriman Nərimanov prospekti, 20 Yanvar və Natiq İsayev küçələrində müşahidə olunur. Burada bir müddət öncə avtomobil yolları asfaltlanıb. Daha sonra lüklər yol səthindən aşağıda qaldığı üçün asfalt örtüyü ilə bərabərləşdirilib.
Lakin sakinlərin sözlərinə görə, quyuların ətrafında yaranmış daş və torpaqdan təpəciklər uzun müddətdir yığışdırılmır. Nəticədə nəqliyyat vasitələrinin hərəkətində çətinlik müşahidə olunur.
