Gəncədə qəhvə günü keçirilib. Bu haqda 6 dekabr tarixində Kəpəz televiziyasına istinadən məlumat veririk.
Tədbir Dünya Türk Qəhvəsi Günü münasibətilə baş tutub. Yığıncaq Türkiyənin Gəncədəki Baş Konsulluğu tərəfindən təşkil olunub. Burada Baş konsul Recep Öztop, icra başçısı Niyazi Bayramov və şəhər ictimaiyyətinin nümayəndələri iştirak ediblər.
Bildirilib ki, qəhvənin həssaslıqla dəmlənmə texnikası, aromatik dadı, fərqli köpüklü səthi və təqdimatı türk qonaqpərvərliyinin və mehribanlığının əvəzolunmaz elementidir.
Tədbirdə, həmçinin qəhvə ilə rəsmlər çəkilib.
