Gəncədə STEAM layihəsinə cəlb edilən şagirdlərin sayı açıqlanıb. Bu haqda 8 aprel tarixində Regional Təhsil İdarəsinə istinadən xəbər veririk.
Şəhərimizdə 17 ümumtəhsil məktəbində “STEAM” layihəsinə 4210 nəfər şagird cəlb olunub. Burada məqsəd təhsilalanlarda tənqidi, yaradıcı düşüncə, əməkdaşlıq etmə və digər XXI əsr bacarıqlarını formalaşdırmaqdır.
Həmçinin fənləri real problemlərin həlli istiqamətində tətbiqlərə əsaslanan vahid öyrənmə modelində birləşdirmək, müxtəlif proqramlaşdırma dillərini tətbiq etməklə müasir İnformasiya və kommunikasiya texnologiyaları avadanlıqlarından istifadə edə bilmə qabiliyyətlərini yüksəltməkdir.
