Gəncədə universitetlərin birində yeni layihə baş tutacaq. Bu haqda Gencexeber.az-a 12 dekabr tarixində məlumat daxil olub.
Azərbaycan Dövlət Aqrar Universitetində “Startap day” adlı layihə həyata keçiriləcək. Asiya İnkişaf Bankının maliyyə dəstəyi və Kapital Bank, Gənclər İnkişaf Naminə İctimai Birliyinin təşkilatı dəstəyi ilə həyata keçirilir. Layihəyə qeydiyyat 27 noyabrdan 17 dekabra qədər davam edəcək. Müraciət etmək istəyən şəxslər http://www.startup-day.org/-a daxil olmalıdırlar.
Seçim mərhələsi 17 dekabrdan başlayaraq üç gün davam edəcək. Qeydiyyatdan keçmiş startapçıların ideyaları innovativlik, sahibkarlıq və seçilmiş meyarlara uyğunluq istiqamətində yoxlanılacaq.
Təlim mərhələsində biznes, soft, network və IT üzrə 8 təlim keçiriləcək. Final mərhələsində komandalar hazırladıqları təqdimatları münsiflər heyətinə təqdim edəcəklər. Qalib komandalar mükafatlandırılacaq. Layihədə iştirak üçün müraciətlər maliyyə, aqrar və yaşıl texnologiya, robot texnologiyası və digər sahələr üzrə aparılacaq.
