Gəncədə vətəndaş qəbulu təşkil olunub. Bu haqda 4 aprel tarixində İcra Hakimiyyətinə istinadən məlumat veririk.
Şəhər rəhbərliyi sakinlərlə 22 nömrəli tam orta məktəbdə səyyar görüş keçirib. Burada icra başçısı Niyazi Bayramovla yanaşı, YAP Gəncə Şəhər Təşkilatının sədri Bayram Aslanov, İcra Hakimiyyəti başçısı Aparatının əməkdaşları, bələdiyyə sədrləri, həmçinin idarə və müəssisə rəhbərləri iştirak ediblər.
Qəbulda vətəndaşların hər biri tək-tək dinlənilib. Müraciətlər arasında çoxmənzilli yaşayış binalarının həyətlərinin abadlaşdırılması, bir sıra küçələrdə asfalt örtüyünün yenilənməsi, işlə təminat, fərdi yaşayış evinin təmirinə köməklik göstərilməsi və s. məsələlər yer alıb.
Səsləndirilənlərdən əksəriyyəti yerindəcə öz həllini tapıb, digərlərinin araşdırılaraq aradan qaldırılması istiqamətində müvafiq tapşırıqlar verilib.
