Gəncədə gənclər üçün sessiya keçirilib. Bu haqda 6 aprel tarixində Regional İnkişaf İctimai Birliyinə istinadən xəbər veririk.
“Qərbi Azərbaycan: Tarixin izi ilə” layihəsinin icrasına başlanılıb. Layihə çərçivəsində gənclər üçün ilk məlumatlandırıcı sessiya baş tutub. Azərbaycan Texnologiya Universitetində təşkil edilən tədbirdə Qərbi Azərbaycanın tarixi, coğrafiyası, icmanın fəaliyyəti barədə gənclərlə söhbət aparılıb.
Layihənin məqsədi Qərbi Azərbaycandan zorla çıxarılmış azərbaycanlıların öz doğma yurdlarına qayıtması hüququnun, insan hüquqları məsələsi və sülhsevər missiya olaraq Qərbi Azərbaycana qayıdışı xalqımızın əsas hədəflərindən biri kimi göstərməkdir. Həmçinin bütövlükdə Azərbaycan ictimaiyyətinin, xüsusən də gənclərin bu amal uğrunda səfərbər edilməsi, Qayıdış konsepsiyasının müddəalarının izahı haqqında tədbir iştirakçılarını məlumatlandırmaqdır.
