Gəncədə yol-nəqliyyat hadisəsi baş verib. Bu haqda Gencexeber.az-a 4 aprel tarixində məlumat daxil olub.
Hadisə Heydər Əliyev prospektində qeydə alınıb. Adıçəkilən ərazidə iki avtomobil toqquşub. Hərəkətdə olan “BMW” markalı avtomobil qəfil əyləcdən istifadə edib. Nəticədə arxadan gələn “VAZ 21011” markalı nəqliyyat vasitəsi ona çarpılıb.
Qəza zamanı bir nəfər xəsarət alıb. Hadisə yerinə polis əməkdaşları cəlb ediliblər.
Şahidlərin sözlərinə görə, qəzaya səbəb “VAZ 2111”in yüksək sürətlə hərəkət etməsi olub.
Faktla bağlı araşdırma aparılır.
