Gəncədə Heydər Əliyevin anım günü ilə əlaqədar tədbir baş tutub. Bu haqda 8 dekabrda Heydər Əliyev Mərkəzinə istinadən xəbər veririk.
“Zamanın yetişdirdiyi şəxsiyyət” mövzusunda keçirilən toplantı Heydər Əliyev Mərkəzində baş tutub. Burada İsrafil Məmmədov adına 27 nömrəli məktəb-liseyin müəllim və şagirdləri iştirak ediblər.
Mərkəzin əməkdaşı şagirdlərə ulu öndərin xatirə muzeyində nümayiş olunan eksponatlar haqqında ətraflı məlumat verib. Daha sonra Heydər Əliyevin ömrünü Azərbaycana, onun tərəqqisinə, inkişafına, müstəqilliyinə, təhlükəsizliyinə və əmin-amanlığına həsr edən böyük vətəndaş olduğundan bəhs edilib.
