Gəncədə yeni laboratoriya yaradılıb. Bu haqda 5 dekabr tarixində AQTİ-yə istinadən məlumat veririk.
Azərbaycan Qida Təhlükəsizliyi İnstitutunun (AQTİ) Gəncə Regional Sınaq Laboratoriyası (GRSL) fəaliyyətə başlayıb. O, bölgədə qida təhlükəsizliyi istiqamətində laboratoriyanın fəaliyyətinə zərurətin, müvafiq müayinələrin aparılmasına tələbatın olması, regionun qida sənayesi, kənd təsərrüfatı və iqtisadi potensialı nəzərə alınaraq hazırlanıb.
Laboratoriya ISO 17025-2017 beynəlxalq standartının tələbinə uyğun fəaliyyət göstərir. Bura müasir tələblərə cavab verən maddi-texniki baza və yüksək ixtisaslı işçi heyəti ilə təchiz olunub. GRSL-də ölkədə istehsal edilən, eləcə də idxal və ixrac olunan qida məhsullarında təhlükəsizlik və keyfiyyət göstəricilərinin müayinələri həyata keçirilir.
