Gəncədəki universitetlərin birində Aprel döyüşlərinin 8-ci ildönümü ilə əlaqədar tədbirlər keçirilib. Bu haqda 5 aprel tarixində ADAU-ya istinadən xəbər veririk.
Anım günləri Azərbaycan Dövlət Aqrar Universitetinin Aqrar İqtisadiyyat və Mühəndislik fakültələrində baş tutub. Aqrar iqtisadiyyat fakültəsində kafedra müdiri çıxışında bu şanlı qələbənin dövlətimizin və ordumuzun gücünü, xalqımızın birliyini, vətənpərvərliyini nümayiş etdirdiyini, böyük Zəfərə gedən yolun başlanğıcı olduğunu diqqətə çatdırıb.
Növbəti tədbir Mühəndislik fakültəsində baş tutub. Tədbirdə fakültə əməkdaşları və tələbələr iştirak ediblər. Çıxış edənlər Vətən müharibəsindəki şanlı Qələbəmizdən və rəşadətli Ordumuzun şücaətindən söz açıblar.
