Gəncədəki universitetlərin birinin əməkdaşları alternativ enerji haqqında məlumat alıblar. Bu haqda 11 dekabr tarixində ADAU-ya istinadən xəbər veririk.
Azərbaycan Dövlət Aqrar Universitetinin Mühəndislik fakültəsinin bir qrup professor-müəllimi “Azalternativenerji” MMC-nin Qobustan rayonunda yerləşən idarəetmə məntəqəsində olublar. Onlar stansiyada olan alternativ enerji mənbələrinin iş prinsipi ilə tanış olublar.
Səfərdə əməkdaşlara bunun daha çox gələcəyə yönələn perspektiv sahə olduğu, ətraf mühiti çirklənmədən qorumaq üçün alternativ enerji mənbələrindən istifadənin məqsədəuyğunluğu çatdırılıb.
