Gəncədə universitetlərin birində konfrans baş tutub. Bu haqda 5 dekabr tarixində ADAU-ya istinadən xəbər veririk.
Azərbaycan Dövlət Aqrar Universitetində “Ümumdünya Torpaq Günü: Dayanıqlı Kənd Təsərrüfatında Torpaq Amili” mövzusunda Respublika elmi-praktik konfransı keçirilib. Tədbirin məqsədi torpağın kənd təsərrüfatındakı əhəmiyyətini və həyatımızdakı rolunu daha geniş kütləyə çatdırmaqdır.
Konfrans Kənd Təsərrüfatı Nazirliyinin Torpaqlardan istifadəyə nəzarət şöbəsi, FAO-nun Azərbaycandakı Tərəfdaşlıq və Əlaqələndirmə Ofisi, EGE Universitetinin Ziraat fakültəsi, Bakı Dövlət Universiteti, Lənkəran Dövlət Universiteti, Azərbaycan Torpaqşünaslar Cəmiyyəti, Torpaqşünaslıq və Aqrokimya İnstitutunun tərəfdaşlığı ilə baş tutub.
