Yevlaxda avtobusla minik avtomobili toqquşub, hadisə nəticəsində dörd nəfər xəsarət alıb. Onlardan biri kişi, biri uşaq, ikisi qadındır.
Gencexeber.az-ın məlumatına əsasən, qəza Bakı–Qazax avtomagistralının Yevlax rayonunun Yuxarı Nemətabad kəndindən keçən hissəsində qeydə alınıb.
“Niva” markalı minik avtomobili hərəkətdə olan Səfərbərlik və Hərbi Xidmətə Çağırış üzrə Dövlət Xidmətinə məxsus avtobusla toqquşub.
Hadisə zamanı xəsarət alan 1977-ci il təvəllüdlü Yeganə Süleymanova, 1974-cü il təvəllüdlü Söhrab Süleymanov və digər yaralılar təcili tibbi yardım avtomobili ilə xəstəxanaya çatdırılıblar.
Faktla bağlı hüquq-mühafizə orqanları tərəfindən araşdırma aparılır.
