Samux rayonu və Goranboy-Naftalan rayonları üzrə təhsil sektorunun tabeliyində fəaliyyət göstərən ümumtəhsil məktəblərinin VI sinif üzrə monitorinq nəticələrinin təhlili mövzusunda görüşlər keçirilib.
Gencexeber.az Gəncə-Daşkəsən Regional Təhsil İdarəsinə istinadən xəbər verir ki, görüşlərdə təhsil sektorlarının müdirləri, sektor əməkdaşları, tabelikdə olan ümumi təhsil məktəblərinin direktorları, müavinləri, cari tədris ilində VI sinifdə tədris dili, riyaziyyat və təbiət fənni tədris edən müəllimlər iştirak ediblər.
Görüşlərdə VI siniflərin monitorinq üzrə nəticələri, 2023-2024-cü tədris ilinin nəticələrinin fənlər üzrə dinamikası, aşağı və yüksək nəticə göstərmiş təhsil müəssisələri barədə məlumat verilib.
Bununla yanaşı sektor müdirləri mövcud vəziyyət, hədəflər və tapşırıqlar barədə də ətraflı məlumat veriblər.
Görüşlərin davamında ümumtəhsil məktəblərinin direktorlarını maraqlandıran suallar cavablandırılıb.
