Gəncədə tarixi binada nöqsan yaranıb. Bu haqda 11 aprel tarixində Mədəni İrsin Qorunması, İnkişafı və Bərpası Gəncə Regional İdarəsinə istinadən məlumat veririk.
Sözügedən hal şəhərin Cavad xan küçəsində müşahidə olunub. Zinger qardaşlarının keçmiş emalatxanası yerləşən binadakı obyektlərdən birinin şüşələrinə reklam banerləri yapışdırılıb.
Bununla bağlı Mədəni İrsin Qorunması, İnkişafı və Bərpası üzrə Dövlət Xidmətinin Gəncə Regional İdarəsinin əməkdaşları müvafiq tədbirlər görüblər. Xoşagəlməz görüntü yaradan reklam plakatları çıxarılıb. Həmçinin abidələrin bədii-estetik görkəminə xələl yetirilməsinin yolverilməz olması, reklam lövhələrinin qanuna uyğun şəkildə yerləşdirilməsi, təmir, tikinti, bərpa və digər işlər zamanı müvafiq qurumların məlumatlandırılmasının zəruriliyi barədə vətəndaşa məlumatlar verilib.
[modula id="57864"]
