Azərbaycan Premyer Liqasında ən yüksək dəyərə sahib olan komanda uzun illərdir liderliyini qoruyan "Qarabağ"dır. "Köhlən atlar"ın ümumi dəyəri 20.65 milyon avrodur.
Oxu.аz xəbər verir ki, ikinci yeri 12.45 milyon avro ilə "Sabah" klubu tutur. 12.1 milyon avro dəyəri olan "Zirə" klubu isə ilk üçlüyü tamamlayır.
10 milyon avro dəyəri olan "Sumqayıt" siyahının dördüncü, 9.65 milyonluq dəyəri olan "Neftçi" isə beşinci pilləsində qərarlaşıb.
"Turan Tovuz" klubunun ümumi dəyəri 9.58 milyon avro olduğundan siyahının 6-cısidir.
"Araz-Naxçıvan" 7.75 milyon avro ilə 7-ci, "Kəpəz" isə 6 milyon avro dəyərlə 8-cidir.
Doqquzuncu pillədəki "Şamaxı"nın dəyəri 5.40 milyon avrodur. "Səbail" 4.93 milyon avro ilə siyahının sonuncu pilləsində qərarlaşıb.
